യൂറോപ്പ് ഭദ്രാസനത്തിന്റെ എട്ടാമത് ഫാമിലി കോൺഫറൻസ് പോളണ്ടിൽ നടത്തപ്പെട്ടു.

ക്രാക്കാവ്: മലങ്കര യാക്കോബായ സുറിയാനി ഓര്‍ത്തഡോക്സ് സഭയുടെ യൂറോപ്പ് ഭദ്രാസനത്തിന്റെ നേതൃത്വത്തില്‍ 2025 മെയ് 2, 3, 4 തീയതികളില്‍ പോളണ്ടിലെ ക്രാകോവിൽ വച്ച് നടത്തപ്പെട്ട എട്ടാമത് ഫാമിലി കോണ്‍ഫറന്‍സ്ഭദ്രാസന മെത്രാപ്പോലീത്ത അഭിവന്ദ്യ ഡോ. മോര്‍ തേയോഫിലോസ് കുരിയാക്കോസ് തിരുമേനി ഉദ്ഘാടനം ചെയ്യുക യും കോൺഫെറെൻസിന്റെ വിഷയാവതരണം നടത്തുകയും ചെയ്തു. പോളിഷ് ഓർത്തഡോക്സ് സഭയുടെ റവ. ഡോ. വ്ലാഡിമിര്‍ മുഖ്യ അഥിതി ആയിരുന്നു. കുട്ടികൾക്കും യുവതിയുവാക്കൾക്കും കുടുംബങ്ങൾക്കുമായി പ്രത്യേകം പ്രത്യേകം ക്രമീകരിച്ച ക്ലാസ്സുകൾക്കും ചർച്ചകൾക്കും വിവിധ പരിപാടികൾക്കും വിയന്നയില്‍ നിന്നുള്ള മലങ്കര കത്തോലിക്കാ സഭയുടെ റവ. ഫാ. ഷൈജു മാത്യു, യൂറോപ്പ് ഭദ്രാസനത്തിലെ റവ. ഡോ. തോമസ് ജേക്കബ് മണിമല, റവ. ഫാ. എൽദോസ് വട്ടപറമ്പിൽ, റവ. ഫാ. എൽജോ അവറാച്ചൻ, റവ. ഫാ. പോൾ പി ജോർജ്, റവ. ഫാ. ബിജോ എലിയാസ്, റവ. ഫാ. രെഞ്ചു കുര്യൻ എന്നിവർ നേതൃത്വം നൽകി. കുട്ടികൾക്കും കൗമാരക്കാർക്കും ആയി പ്രത്യേകം നടത്തിയ പ്രോഗ്രാമുകൾക്ക് യൂറോപ്പ് ഭദ്രാസന സൺ‌ഡേ സ്കൂൾ ഡയറക്ടർ ശ്രീ സുധിഷ് മാത്യു, ശ്രീമതി സിന്ധു അബ്ജിൻ, ശ്രീ വിനീത് വർഗീസ്, ശ്രീമതി ലിയ എൽദോസ്, ശ്രീമതി ലിസി മോൻസി, ശ്രീമതി ജോമോൾ ജോഷി, എന്നിവർ നേതൃത്വം നൽകി. സമ്മേളനത്തോടനുബന്ധിച്ച് സാംസ്‌കാരിക സായാഹ്നവും സംഘടിപ്പിച്ചു. ഞായറാഴ്ച ക്രകോവിപ്പ് പ്രസിദ്ധമായ തീർത്ഥാടന കേദ്രമായ സി. ഫൗസ്റ്റിനയുടെ കബറിടം സ്ഥിതി ചെയ്യുന്ന ഡിവൈൻ മേഴ്‌സി കത്തീഡ്രൽ ചപാലിൽ അഭി. ഡോ. തെയോഫിലോസ് മെത്രാപ്പൊലിതയുടെ മുഖ്യ കാർമികത്വത്തിൽ വി. കുർബാന അർപ്പിക്കുയും കോൺഫറൻസ് അംഗങ്ങൾ അതിൽ സംബന്ധിക്കുകയും ചെയ്തു. അതിനുശേഷം ചരിത്രപ്രസിദ്ധമായ ക്രാകോവിലെ ദേവാലയങ്ങളും പഴയ പട്ടണവും സന്ദർശിച്ചു. യൂറോപ്പിലെ 13 രാജ്യങ്ങളിൽ നിന്നായി നൂറിലധികം പ്രതിനിധികൾ കോൺഫെറെൻസിൽ പങ്കെടുത്തു. കേരളത്തിൽ നിന്നും യൂറോപ്പിലേക്ക് പഠനത്തിനും ജോലിക്കുമായി നൂറുകണക്കിന് ചെറുപ്പക്കാർ കടന്നു വരുന്ന പശ്ചാത്തലത്തിൽ സെകുലറിസത്തിന്റെയും അതിരുകളില്ലാത്ത സ്വാതന്ത്രത്തിന്റെയും വിശാലമായ ലോകത്തിൽ ഉത്തരവാദിത്വബോധത്തോടെയും പ്രതിബദ്ധതയോടെയും, വിശ്വാസത്തിലും ആരാധനയിലും മൂല്യബോധങ്ങളിലും ഭദ്രമായ കുടുംബ ജീവിതത്തിലും പുതിയ സാഹചര്യങ്ങളിൽ അവരെ ഉറപ്പിച്ചു നിർത്താമെന്നും ഉള്ളതായിരുന്നു സമ്മേളനത്തിന്റെ പ്രധാന ചിന്താവിഷയം. യാക്കോബായ സുറിയാനി ഓർത്തഡോൿസ്‌ സഭയുടെ ഭദ്രാസന കൗൺസിലിന്റെ ആഭിമുഖ്യത്തിൽ നടത്തപെട്ട കോൺഫെറെൻസിന് നേതൃത്വം ചിഫ് കോർഡിനേറ്റർ ഭദ്രാസന മെത്രാപോലീത്ത, ഭദ്രാസന സെക്രട്ടറിയും കോൺഫറൻസ് ജനറൽ കൺവീനറുമായ വന്ദ്യ വെട്ടിക്കാട്ടിൽ ജോഷ്വാ റമ്പാൻ, ഭദ്രാസന പി. ആർ. ഓ. ശ്രീ ജോളി തുരുത്തുമ്മേൽ, ക്രാകാവ് ഇടവകയുടെ കൺവീനവർസ് ശ്രീ. ക്രിസ്റ്റോ യോഹന്നാൻ, ശ്രീ അബ്ലിൻ എൽസൺ, ശ്രീ വിനീത് തോമസ്, മറ്റു ഇടവകാംഗങ്ങൾ എന്നിവർ നേതൃത്വം നൽകി.